tg-me.com/laeileialanin2/2310
Last Update:
#نواعي قميص الحسين عليه السلام
أبوذية :
قميصك بالسمه شفته علامه
على اهلال الحزن رفرف علامه
اويــــلاه على الطالــــع علامـه
ومثلها اضلوعه هم مكسوره هيه
مجاريد :
شفت القميص وگلبي مفطور
واتذكرت يا يمه عاشور
مِنِّ الگفه يحسين منحور
وفوگ الرمح من راسك ايدور
واتذكرتها الأعوجيه
من داستك فوگ الوطيه
بهالحاله يضي عين الزچیه
عينك على اخيامك ربيه
چم سهم جم رمح مصيوب
وابوسط الگلب يا يمه مضروب
يالفوگ الترب يوليدي مگلوب
عگب الچتل راسك ليش منصوب
اشسوّى قميصك والله بيه
ومطبوعه بيه اشچم رزيه
ومن نِشْرته أملاك العلِيه
شهرك يَيُمه هل عليه
وجدّد عليّه الغاضريه
وامصيبة الراحت سبيه
● حدي ( لمن حدى الحادي )
شافت قميصه ايلوح .. وناحت على المذبوح
اتنادي الگلب مجروح .. عاللي بقى بالبر
وسط السمه منشور .. بيه دمّه المهدور
ودم صدره المكسور .. ودم جسمه لموذر
امخرّگ طعن واسيوف .. ودم گلبك الملهوف
منه اشخذت لطفوف .. چم إيد چم منحر ؟
طور : الجفيري
من شافت أمك فاطمه
ويلي قميصك بالسمه
متخضب بفيض الدمه
نادت يَيُمه يا حسين
لطمت على الراس وبچت
ورفعت اياديها ودعت
ربي بمصايبنه الجرت
عجل ابثارات الحسين
ربي انتقم بالمنتقم
للي عظم صدره انهشم
ومن بعده سلبوها الحرم
من نامت عيون الحسين
ما صار مثل امصيبته
وبالخيل سحگوا جثته
وتالي سبوها عيلته
وفوگ الرمح راس الحسين
________
تمت بحمد الله تعالى
بقلم : #فاطمة_كريم
نسألكم الدعاء لتعجيل الفرج
يــــــــــا أبا عبـــــــــــــــدالله
الفاتحة مع الصلوات إلى روح والدي
BY ليالي الأنين الثانية
Warning: Undefined variable $i in /var/www/tg-me/post.php on line 283
Share with your friend now:
tg-me.com/laeileialanin2/2310